"നാളെ ഉച്ച വരെ അല്ലെ ഉള്ളോ" തനിക്കരികില് ഫീല്ഡ് ചെയ്യുന്ന ഉണ്ണിയോട് ശ്രീ കുട്ടന് ചോദിച്ചു..
'നാളെ സ്കൂള് തൊറക്വല്ലെ? ' ഉണ്ണി സങ്കടത്തോടെ ശ്രീയെ നോക്കി ..."ശ്ശെ".. ...നിസ്സഹായതയുടെ നെടുവീര്പ്പ് ...
ശ്രീ, തനിക്കരികിലൂറെ പാഞ്ഞ പന്ത്, കാലുകള് കൊണ്ടു തടുത്തിട്ട് , ബോളര്ക്ക് എറിഞ്ഞു കൊടുത്തു..വരുന്ന അദ്ധ്യായന വര്ഷത്തെ കുറിച്ചുള്ള ആകുലപെടുത്തുന്ന ചിന്തകളായിരുന്നു അവന്റെ മനസ് നിറയെ ...
മുന്പ് തോന്നിയ ഉത്സാഹമൊക്കെ പെട്ടന്നു എങ്ങോ പോയ്മറഞ്ഞു....
ഇനി വീണ്ടും ഹോം വര്ക്ക്, പരീക്ഷ ....പക്ഷെ, പുതു വസ്ത്രങ്ങള് അണിഞ്ഞു പുതിയ ബാഗ് ,പെന്സില് ബോക്സ് ,പേന, പുസ്തകങ്ങള് ,ഷൂസ് ഒക്കെയായി സ്കൂളില് പോകുന്നതിന്റെ ത്രില് ഒന്നു വേറെ തന്നെ ആണ്... ഇക്കുറി ചതുരാകൃതിയില് ഉള്ള സാധാരണ ബാഗിന് പകരം നീളമുള്ള മുകള്ഭാഗം വളഞ്ഞ ബാഗാണ് തനിക്കായി മേടിച്ചിരിക്കുന്നതെന്ന് അവന് ഓര്ത്തു; ക്ലാസില് അധികം ആര്ക്കും അത്തരം ബാഗ് ഉണ്ടാവില്ല...
ആ വൈകുന്നേരം അവസാനിക്കരുതെന്ന് കുട്ടികള് ആത്മാര്ത്ഥമായും ആഗ്രഹിച്ചിരുന്നു...എങ്കിലും പതിയെ പതിയെ വെളിച്ചം അരണ്ട് തുടങ്ങി...
അപ്പുറത്തെ മുതിര്ന്ന കുട്ടികളുടെ കൂട്ടം നേരത്തെ കളി നിര്ത്തി പോയിരുന്നു..ശ്രീയും ഉണ്ണിയും മൈതാനത്ത് തനിച്ചായി..
വിയര്ത്തൊലീക്കുന്ന തലമുടി പിന്നോട്ടാക്കിക്കൊണ്ടു ശ്രീ പറഞ്ഞു "ന്നു രാത്ര്യെ ആകാശം കാണാന് നല്ല ഭംഗീല്ലെ ?' ഒന്നു നിര്ത്തിയിട്ട് അവന് തുടര്ന്നു.."എന്തൊക്കെ പ്ലാന് ചെയ്തതാ..കളി മാത്രം നടന്നു...." അവന് ഒരു കല്ലെടുത്ത് ദൂരേക്ക് വലിച്ചെറിഞ്ഞു..
കറുക്കുന്ന ആകാശം നോക്കി ഇരിക്കുകയായിരുന്നു ശ്രീ...
"ഇനി ഇതുകൊണ്ടു വലിയ ഉപയൊഗമൊന്നുമില്ലല്ലൊ?" തന്റെ കയ്യില് ഇരിക്കുന്ന ബാറ്റ് ഉയര്ത്തികൊണ്ടു ശ്രീ ചോദിച്ചു
ഉണ്ണി ചിരിച്ചു കൊണ്ടു എഴുന്നേറ്റു..." വാ...പോവാം രാത്രിയായി " ശ്രീക്ക് എഴുന്നെല്ക്കാനായി അവന് കൈ നീട്ടി..
ഉണ്ണി ചെയ്ത പോലെ ശ്രീയും ഒരു കല്ലെടുത്ത് ദൂരേക്ക് വലിച്ചെറിയുകയായിരുന്നു..
"അപ്പൊ ശരി ..നാളെ കാണാം ..ഉണ്ണീടെ കൈ പിടിച്ചു ശ്രീ എഴുന്നെടു ..രണ്ടു പേരും ശരിക്കും ക്ഷീണിച്ചിരുന്നു...ശ്രീക്ക് നടക്കാന് വിഷമം തോന്നി..
"ന്റെ ..കാല് വേദനിക്കണൂ "
"നിക്കും...ഒന്നു കുളിക്കണം ..അപ്പൊ ടാറ്റ" ..തന്റെ കയ്യിലിരിക്കുന്ന ബാറ്റ് കൊണ്ട് ബോള് ഡിഫെന്റ്റ് ചെയ്യുന്ന പോലെ കാണിച്ച് ശ്രീ മുന്നോട്ട് നടന്നു
കളിക്കളത്തിനു മുകളില് കുറെ നക്ഷത്രങ്ങള്, അവരെ ആദ്യമായി കാണുന്നത് പോലെ , കുട്ടികള് നടന്നു പോകുന്നത് നോക്കി, അത്ഭുതത്തോടെ ഇടക്കിടെ കണ്ണുകള് ചിമ്മി കൊണ്ടിരുന്നു...
തുടരും...
2 അഭിപ്രായങ്ങൾ:
കൊള്ളാം..പുതു വര്ഷത്തില് സ്കൂളില് പൊകുന്നതിനു മുന്പു പലപ്പോഴും ഉണ്ടായിട്ടുള്ള അതേ ഫീലിഗ് കിട്ടുന്നു.. അടുത്ത ഭാഗം പ്രതീക്ഷിക്കുന്നു.....
Nalla thudakkam... baakki bhagathinaayi kathirikkunnu...
-Sreejith
ഒരു അഭിപ്രായം പോസ്റ്റ് ചെയ്യൂ